Wala na si Gov. Salazar pero masama pa rin ang tinging ipinupukol ni Gwen sa akin maging ang babaeng kasama nito.
"Hindi pa tayo tapos na babae ka, kung inaakala mo na panalo ka dahil pumanig sa 'yo si Tito Bernard ay nagkakamali ka!" bulalas ni Gwen sa akin.
'Panalo talaga ako, Gwen, panalo sa puso ni Blake dahil hindi niya ako yayayaing magtanan kung hindi niya ako mahal,' hiyaw ko sa aking isipan pero hindi ko na isinatinig pa dahil tiyak na magwawala ito na parang isang dragon.
Hindi ko na lamang pinansin ang pang-iinis sa 'kin ni Gwen lalo na sa labas ng opisina namin ay naroroon si Miss Linda at kumakaway sa 'kin. Marahil ay narinig din nito ang kumosyon sa labas kaya ito lumabas.
"Lily, anong nangyari? Bakit nagalit si Gov. Salazar?" naulinigan kong usisa ni Miss Linda habang pa
