Hindi mapakali si Blake sa loob ng kanyang silid, nakailang subok pa siyang tawagan ang lalaki pero hindi na niya ito matawagan. Naisip tuloy siyang may alam itong bagay kung bakit ito binaril o gustong ipapatay.
"Sh*t!" bulalas niya sa kawalan. Alangan namang si Gwen ang nagpapatay rito kung may alam itong alas para tuluyan silang magkahiwalay.
Gulong-gulo ang utak ni Blake sa sandaling 'yon nang tumunog ang cell phone niya. Mabilis niyang sinagot sa pag-aakalang ang lalaking kausap kanina ang natawag.
"Hello, nasaan ka?" mabilis na wika.
"Wow, himala, ang bilis mong sumagot," sarkastikong tinig ni Gwen sa kabilang linya. "You know where I am kung gusto mo akong puntahan," anito.
"Bakit ka napatawag?" seryosong turan niya sa fianceè.
"Ano bang kasalanan ko sa 'yo, Blake at bakit mo
