Naging tahimik ang buong byahe para sa aming tatlo. Si Daddy Yanlee ang nagmamaneho habang nasa tabi niya si Rhyan at ako naman ang naririto sa backseat.
Panaka-naka akong sinusulyapan ni Rhyan sa rear view mirror at hindi ko mapigilan ang pag-iinit ng pisngi ko sa tuwing nagtatama ang aming paningin. Sa dami na ng trahedyang nangyari sa amin ay hindi ko pa rin maiwasan ang makaramdam ng kilig sa tuwing kasama ko siya.
Ilang araw na nga ba ang lumipas simula noong nangyari sa Mall? Hindi ko na alam. Kung sakaling walang gano'ng trahedya ang nangyari, siguradong nasa normal pa rin ang buhay ko hanggang ngayon at sinusulyapan lamang siya mula sa malayo.
Napahinga na lamang ako ng malalim. One half na maganda at one half na masama ang nangyari sa buhay ko. One half para sa buhay ng kapati
