LAKAS SILANGANAN
“P-PO? S-SA I-ISANG k-kwarto l-lang p-po t-tayo?” nauutal na tanong ko. Hindi lang ako makapaniwala sa narinig ko.
Napataas ang kilay ni Madam. “At bakit naman hindi? Sa tingin mo, hahayaan kitang mag-isa sa kwarto magiging kwarto mo? Maraming may gusto sa iyo rito at baka mapaano ka pa. Isa pa, si Landi. . . baka papasok lang iyon bigla sa kwarto mo.”
“Wala naman po sigurong gagawin iyon sa akin,” katwiran ko.
“Pwede bang tumahimik ka na lang? Nurse, kung pwede tahiin mo ang bibig niyan. Gawin mo! Napakaingay.”
Napahawak ako sa bibig ko. “Grabe ka naman po sa akin. Magagawa ninyo po iyon?”
“Mama mo ako rito at anak kita. Diyan ka na, babalik lang ako agad,” aniya.
“Sige po, Ma?” nakangiting sabi ko.
Tumango lang si Madam at umalis. Habang naglalakad siya palayo, h
