Jheimwel Rain
"Oh, anong nangyari sa iyo? Bakit namumutla ka? May sakit ka ba?" tanong ni tatay nang salubungin ko siya dito sa gilid ng batis.
Hindi ko mapigilan ang sarili kong magpalinga-linga sa paligid sa takot na baka naririyan pa si Mang Edwin at nagmamasid lang sa amin ni tatay.
"Ulan anak. Tinatanong kita."
"P-Po?" Muli akong napabaling kay tatay na ngayon ay nagtataka nang nakatitig sa akin. "W-Wala po, tay. N-Nagugutom na po kasi ako."
"Eh, bakit hinintay mo pa ako? Hindi ka na lang naunang kumain. Hindi ka ba nag-almusal?" Nabanaag ko naman ang pag-aalala sa kanyang mukha.
"K-Kumain po. Hinintay po kita."
"Sa susunod, huwag mo na akong hihintayin kapag nagugutom ka na. Mauna ka nang kumain. Huwag mo akong alalahanin."
Napatitig ako kay tatay sa sinabi niyang 'yon habang
