Jheimwel Rain
"Sige na, buksan mo na," ani Darren sa akin matapos lumabas ng bahay niya ang mga tao niya kasama 'yong babaeng hitad na matalim tumingin sa akin.
"P-Para sa akin lahat 'to?" Nagtataka naman akong napatitig sa kanya at sa napakaraming paper bag sa harapan ko. Sa kalkulado ko ay nasa dalawampong bilang silang lahat.
"Yeah. Ayaw mo rin lang namang sumama sa akin sa Mall, ipinabili ko na lang ang lahat ng 'yan sa sekretarya ko."
"S-Sekretarya? Ano 'yon?"
"Si Lisa, kanina 'yong naghatid ng mga 'yan. Sekretarya ko siya sa opisina sa trabaho ko, assistant, utusan."
"Aaah, 'yon pala ang tawag do'n. Nahalikan mo na rin ba siya?"
"What?" Kaagad nanlaki ang mga mata niya habang nakatitig sa akin. Ako naman ay nagulat din sa naging tanong kong 'yon.
"Ah, w-wala. B-Bubuksan ko na
