PASADO ala una na nang madaling araw nang makabalik si Bella sa kanilang Villa kaya huli na naman siyang nagising kinabukasan. Pupungas-pungas pa na bumangon si Bella at pagkatapos ay nag-inat ng katawan nang magawang makababa sa kama. Iyon ang huling araw nila sa isla kaya naman as expected ay wala na naman kaagad ang mga tao at malamang ay sinusulit ang stay nila roon. Samantalang siya ay ni ayaw nang lumabas pa sa villa at balak na lamang magkulong doon maghapon hanggang sa makauwi sila.
Ang totoo ay hindi pa rin gaanong naipoproseso ni Bella sa kaniyang isipan ang mga pangyayari lalo na sa pagitan nilang dalawa ni Beast. Kung hindi lang siya puyat nang nagdaang gabi ay malamang na hindi na naman niya nagawang makatulog matapos ng nangyari sa kanila nang gabing iyon. Hindi na nga niya
