KUNG anong ikinalawak ng ngiti ng mga kakapasok lang sa shop ay ganoon naman ang pagsimangot ni Bella. Mukhang galing pa sa opisina sina Beast at Kaizer dahil sa pagkapormal ng suot ng mga ito. May hawak ang mga ito na ilang supot na sa tantiya ni Bella ay may lamang mga pagkain. Samantalang ang mommy naman niya ay nakasuot ng jumpsuit na kulay krema na bumagay sa maputi nitong balat. Tanging ang hand bag lamang nito ang bitbit nito. Kung pagmamasdan talaga ang kaniyang ina ay hindi mahahalata ang edad nito. Kapag magkasama nga sila ay napagkakamalan pa silang dalawa na magkapatid.
“Hello, anak! Surprise!” hyper na hyper na bungad sa kaniya ng ina. Nang makalapit ito kay Bella ay agad siya nitong niyakap at ibineso. Hindi pa rin maka-get over si Bella at papalit-palit ang tingin sa ina a
