Masakit ang ulo ni Klyv nang magising kinabukasan dahil sa halos magdamag na paglalasing. Hinilot niya ang kaniyang sentido nang bigla niyang maalala ang kaniyang panaginip. Napakapa siya sa kaniyang mga labi na dinampian daw ng halik ni Vassyleen. Pero bakit ganito ang pakiramdam niya? Parang hanggang ngayon ay nalalasahan pa niya ang malalambot na labing kinababaliwan niya noon?
Napakuyom si Klyv. Kailan kaya siya magigising isang umaga na hindi na sumasagi sa isip niya ang maamo nitong mukha? Kahit saan man niya ibaling ang kaniyang mga mata ay ito pa rin ang nakikita niya.
Napasinghap siya nang maamoy ang tila isang pamilyar na putahe. Lihim siyang napamura dahil maging ang kaniyang pang-amoy at panlasa ay naapektuhan na rin ng ka-praningan niya. Hindi niya ala
