Napamaang si Vassyleen nang makita ang babaeng dumating at tila linta kung makayakap sa kaniyang si Klyv. A bakit 'superman' ang tawag nito sa binata?
"Sweetie..." malambing na wika ni Klyv na halos dumurog sa kaniyang puso. Lalo pa nang gumanti rin ito ng yakap sa babae at nag-iwan pa ng matunog na halik sa noo nito. "Kailan ka lang dumating? Saka anong ginagawa mo rito?"
Napatanga siya nang umakbay ang babae kay Klyv na animo'y aagawan ng nobyo. "Isa-isa lang, please? Saka hindi mo ba muna ako pagapahingain bago mo ako interbiyuhin?" Marahil naramdaman ng babae ang kaniyang presensiya kaya napatingin ito sa kaniya. Bahagya pang kumunot ang noo nito na tila inaalala siya. "O, may bisita ka pala..."
Hindi na siya sinulyapan pa ni Klyv. "An old busin
