GEORGE:
Ramdam ko ang boss ko na nakatingin sa akin nang lumabas siya sa opisina niya kaya nag-angat ako ng tingin. Baka kasi may ibibilin siya bago siya umalis. Kanina ko pa siya nakikitang sumisilip sa pintuan tapos kapag titingin ako ay biglang sasarado ang pinto kaya hindi ko alam kung may kailangan ba siya. Hindi ko alam kung anong trip niya, pero ngayong nang magtama ang tingin namin ay lumabi ito sa akin na parang bata kaya napakunot ang noo ko.
Lumapit ito sa may table ko.
"George."
"Yes, sir?"
Bumuntong hininga ito at umiling sa akin. "Nevermind," saad nito bago tuluyang humakbang patungo sa elevator.
Tila ba may gusto itong sabihin pero hindi nito masabi kaya pinanood ko na lang siya palayo. Nagkibit balikat na lang ako sa naging akto niya. Sanay naman akong sinasabi niya
