George
"Anak, hindi ba masyado ka naman na yatang magtrabaho? Linggo na ngayon pero nagtungo ka pa rin sa boss mo. Dapat araw na ng pahinga mo ngayon," saad ni Mama sa akin habang naghahapunan kaming dalawa.
"Okay lang naman po. Wala naman akong gagawin kung hindi ako magtatrabaho."
"Pero George, hindi pwedeng puro trabaho kana lang. Paano kapag umalis na ako? Baka mas maging malala pa ang maging routine mo. Ang akin lang naman, baka puro career ka na lang. Paano na ang love life mo?" nag-aalalang wika nito sa akin.
"Don't worry about me. I am happy working.," paninigurado ko sa ina ko.
Kung may isa mang bagay na masaya ako ngayon ay iyon ang trabaho ko. Kapag busy din kasi ako nakakalimutan ko ang mga problema sa buhay. ANg nangyari sa pamilya namin, sa panloloko ni papa. Ayaw ko nan
