"Okay, papasukin mo na siya rito. Gusto ko rin siyang makausap," narinig kong anas ni Seth. Kaya naman lalong kumabog ang dibdib ko.
Jusko po! Sana hindi ako makita. Hindi pa naman ako nagpaalam dito ng maayos. Saka teka lang! Akala ko ba'y nasa ibang bansa ang lalaking ito? Eh, bakit nandito ito at balak kausapin si Seth Lawson.
Mayamaya pa'y tuluyan na ngang bumukas ang pinto ng opisina ni Seth. Ako naman ay nagpakasik-sik sa ilalim ng table para 'di ako makita ng nobyo ko.
Pasimple namang sumilip sa akin si Seth. At nakita ko ang pag-ngisi ng magaling na lalaki. Ang sarap sipain nito. Pakiramdam ko'y parang nangangasar pa ito.
"Sit down, Mr. Ong. Hmmm! Para yatang napaaga ang punta mo rito sa aking opisina?" narinig kong tanong ni Seth.
"Yes! Tama ka, Mr. Lawson. Inagahan ko tala
