Maxine Lyanne's POV
Pinagmamasdan ko ang nakadekwatro na si Gamble sa harapan ko habang nagbabasa siya ng dyaryo. Napahawak ako sa ibabaw ng hita ko at napatingin sa hagdanan.
Kanina pa namin inaantay si Fastia na bumaba pero wala pa rin siya. Napatingin na lang ako sa leggings na suot-suot ko. Aakyat kami ng burol kaya nag leggings na lang ako para hindi ako mahirapan.
Hindi ko rin nagamit ang make-up na binigay sa akin ni Gamble dahil sa totoo lang hindi ko alam kung paano gamitin.
"Hindi mo yata gamit ang binili ko sa'yo."
Napataas ang ulo ko kay Gamble. Ngayon pa lang siya nagsalita sa simula ng makarating ako rito sa sala.
"Ang sabi ko gamitin mo 'yon ngayong alis natin," aniya.
"S-Sorry, Gamble, pero hindi ko pa kasi masyadong alam na gamitin. Sa susun
