عشق وعشاق الجزء الثاني

اقتباس ٢

ارجون يعصب : شو مشان حبيبتي ، بعد ما زوجك دمرها والغى كل شي يخصها ، وخلاها ولا شي ، بعد ما كانت كل شي ،وانتي بتحكيلي حرام أعمل هيك

سوربي : بترجاك خليني احكي معه بس شوي

ارجون : طيب راح اخليكي تحكي معه

سوربي : لو سمحت خليني احكي معه براحتي لانه انا خايف ماراح اسمع صوته مرة تانية

ارجون : صحيح انا حقير ، بس مو لهاي الدرجة ، متل ما بدك ، تفضلي احكي معه

يرن تلفون شيفاي و يرد بسرعة

شيفاي : الو

سوربي : حبيبي شيفاي

شيفاي : حبيبتي انتي بخير ، كيفيك طمنيني عنك ، وينك هلا

سوربي : شيفاي بترجاك أهدأ

شيفاي : كيف بدك اني أهدأ

سوربي : شيفاي اسمعني منيح شو بدي احكيلك و أتذكر كلامي منيح لانه انا بطريق العتمة ومهجور مو معروف نهايته ، تتذكر شيفاي عند التقينا أول مرة بقرب من محطة قطار يلي قريبة من المدينة الصناعية ، واشترت الي بطاقة ورد من البنت يلي كانت ساكنة لحالها بالمصنع مهجور

ارجون : خلص حكي

شيفاي : الو سوربي الو سوربي

سوربي : شيفاااي

ارجون يسكر الخط

ابهاي : للأسف ما قدرنا نحدد مكانها

شيفاي يعصب كتير و يروح ع المطبخ و كان اوم بده يلحقه بس الجدة تمنعه

اوم : ستي شيفاي بحاجتي

الجدة : خليه لحاله يرتاح هلا هو عاجز راح يتدمر اذا شاف حدا معاه

اوم : بس ستي

رودرا : ستي معها حق ، خلي شيفاي لحاله

شيفاي بالمطبخ و يشرب مي و يتذكر كلام سوربي

شيفاي : هي حكت لما التقينا أول مرة ، بس انا بعرفها و هي صغيرة ، يا الله ليش كانت تحكي هيك ، معقول كانت تخبرني مكانها

شيفاي يقوم بسرعة و يجيب قلم و ورقة و يحاول يتذكر حكي سوربي كله ويكتبه

شيفاي: طريق معتم مهجور ، محطة قطار ، مدينة صناعية ، مصنع مهجور ، سوربي اعطتني كتير دلالات كيف بدي اعرف انا هلا شو تقصد ،فكر يا شيفاي فكر ، شيفاي بيروح عند محقق ابهاي

شيفاي : محقق ابهاي بدي احكي معك امر ضروري

ابهاي : تفضل

شيفاي : ممكن نحكي بالغرفة

رودرا : شكله شيفاي عرف مكان سوربي

اوم : تعال نروح معهم