Chapter Fifty-eight: Manika
“Boss,” tawag niya sa kanyang boss. Napalunok siya ng kanyang laway dahil sa lamig ng paligid. Hindi dahil nakaaircon sila kung hindi dahil sa pagiging tahimik ng kanyang boss. Mas nakakatakot ang kanyang boss kung ito ay tahimik. Mas galit ito kapag tahimik.
Nakarating sa kanilang balita na patay na si Agnes Asistio. Paboritong alaga ng kanyang boss ang babae. Hawak na niya si Agnes sa leeg mula ng matatag ang samahan nila kaya alam niyang galit ang bossing niya dahil sa biglaang pagkamatay nito. Natagpuan kinabukasan ang bangkay ni Agnes sa ilog kung saan namatay din ang kinaiinisang babae nito.
“Gusto kong malaman kung sino ang nasa likod ng pagkamatay ni Agnes,” sabi nito sa kanya. Halos manginig siya dahil sa lamig ng boses nito. “Ano
