CHAPTER 14
Panay ang text at tawag ni Carlo ngunit hindi ko iyon sinasagot. Ni hindi ko magawang basahin ang kaniyang mga mensahe. Nagtalukbong ako. Pilit iwinawaksi sa aking isipan ang lahat ng nangyari. Kahit hindi ko lubusang naiintindihan ang nangyayari ay alam kong may mali. Hindi iyon tamang bigyan ko ng kahit katiting na pansin. Nagawa kong labanan ang silakbong iyon kinabukasan at nang mga sumunod pang mga araw. Pinilit kong kalimutan ang lahat sa piling ni Carlo.
Dumating ang araw para sa sumunod naming laban. Isinama ko na si Carlo. Gusto kong lagi na siya sa tabi ko. Bahala na sila kung anong isipin nila. Basta kailangan ko si Carlo. Hinding-hindi ako papayag na malayo siya sa akin. Naniniwala akong sa ganoong paraan ay mas magiging buo ang pagmamahalan namin. Iyon lang ang ta
