DAPAT niyang ipagpasalamat na walang bahay na nakatirik do'n at sa mga matataas na talahib na naroon sa tapat ng bahay ng mga Olivarez. Dahil kasi sa mga 'yon ay magagawa niya ang nais na makapagtago.
Kung makaramdam man siya ng kagat mula sa insekto sa kaniyang kinalalagyan ay siguro nga, babalewalain lang niya 'yon.
Oo, walang insekto o kahit pa ba sakuna ang makaapagpatigil sa kaniya sa ginagawa niyang pagmamasid.
Ayaw na niyang palipasin ang kinabukasan o ang mga susunod pang araw kung magagawa naman niya ngayon na makasulyap man lang.
Ayon kasi sa natanggap niyang mensahe mula kay Reagan kanina, ngayong araw mismo ang uwi ni Monaliza...
Sa wakas, pagkatapos ng walong taon...
Kahit sulyap lang muna, hindi na siya makapaghintay. Patunay ang panginginig ng kaniyang mga kamay sa
