LALABAS na sana siya sa ospital pero hindi pa maaari. Sa ginawa ni Doc Naqui na pagbalik sa k'warto ni Kate ay napurnada pa ang plano niya.
Tsk, bakit kasi ang tigas din ng ulo ng doktorang 'yon?
Imbes na lumabas siya ay sinalubong din niya ang dagsa ng mga tao na nag-uunahan na magpulasan para makalabas dahil sa nangyayaring sunog.
Medyo malaki na ang sunog, dama na niya sa balat niya ang init niyon kahit pa nga sa parteng 'yon kung saan siya naroon ay hindi pa naman napupunta ang apoy. Kaya dali-dali siyang umakyat, sa pagkakataong 'yon ay wala nang pumigil sa kaniya na katulad sa nangyari kanina kay Doc Naqui dahil halos lahat na ng tao ay naka-focus sa paglabas.
Nakisiksik siya sa mga tao hanggang makarating siya sa k'warto ng pasyente na siyang pakay niyang puntahan muna.
Kaa
