PINAGSALIKOP ni Monaliza ang nanginginig niyang mga kamay nang makabalik na siya sa maayos na pagkaka-upo. Pinagsalikop niya ang mga palad niya at nilagay niya ‘yon sa kandungan niya upang hindi makita ng kaharap. Upang hindi nito makita kung paano niya ‘yon lapirutin sa sobrang inis na nararamdaman niya ngayon sa mga oras na ‘yon.
Inis na inis siya kay Marco Polo, ngayon lang talaga niya nalaman na maaari pala siyang mainis dito nang gano'ng klaseng pagkakainis na parang nangangati ang mga kamay niya na masaktan 'to.
“Kailangan ko ang lupa ng mga Javier bago sila tuluyan na makaalis ng Pilipinas,” pagsisimula ni Marco Polo.
Hindi man niya gusto sanang gawin ay hindi niya maiwasan na manliit na naman ang mga mata niya rito. “Sa dami ng mga negosyo ng mga Sandoval, bakit pati ang lupa
