ARTIFICIAL heart transplant ang ginagawang procedure sa mga taong katulad ni Kate na may sakit sa puso. Habang naghihintay ng donor na suwerte nang magkaroon, puwede 'yong pang-temporary. 'Yon ay kung katulad ka ni Don Alexander Javier na mapera. Kung tutuusin nga ay hindi na kailangan na maghintay ng don ng donor, papalitan na lang ang artificial na puso nito kung kinakailangan dahil afford na afford naman nito 'yon.
Sa mundong 'to, hindi ka yayaman nang kasing yaman ng mga Javier at Sandoval kung patas kang katulad ng mga Olivarez. Oo, hindi siya naniniwala na patas ang galaw ng mga taong ganito kayaman. Pero s'yempre, kaniya-kaniyang diskarte na lang 'yan at pagtatago ng baho. Itong si Don Javier, maagang nasingil sa mga maling gawain kaya hayun, ang pera na nakuha mula ro'n ay nauuwi
