PARANG tanga si Liam habang matama niyang sinusundan ang bawat galaw at paghinga ni Yngrid. Hanggang ngayon ay hindi pa rin siya makapaniwala sa nalaman niya.
Nasa harapan niya lang naman pala at laging nakakasama ang babaeng hinahanap niya, hindi niya pa alam. Kaya pala halos parehas silang gumugulo sa isip niya. Iisang tao lang pala 'yun.
Ang hindi niya lang talaga maintindihan ay kung bakit ganito pa manamit ang babae pag nasa opisina ito. Bakit kailangan pa nitong itago ang maganda niyang katawan at mukha sa ilalim ng mahabang palda at de gradong salamin.
Ngayong alam na ni Liam yung totoong katauhan ni Yngrid, mas lalo tuloy siyang naaakit sa mga simpleng galaw ng babae. Yung simpleng paghaplos lang nito sa leeg niya. Yung pagkagat-kagat nito sa ballpen pag malalim ang Iniisip niya
