CARSON
MATAPOS ang meeting ni Connor ay dumiretso kami sa panibagong hotel. Isa rin ang hotel na iyon na pinakasikat at pinakamahal na hotel sa Pilipinas. Misteryo para sa lahat ng hotel na ito dahil walang nakakaalam kung sino ang nagmamay-ari nito. Sa pagkakatanda ko ay tanging representative lamang ng may-ari ang pumupunta sa tuwing may board meeting.
Ang buong akala ko ay may panibagong meeting si Connor na pupuntahan. Ngunit napakunot ang aking noon nang mapansin kong dumiretso kami sa underground parking ng hotel imbes na bumaba sa lobby kagay nang ginawa namin kanina.
Tahimik lamang akong nagmamasid habang pinagmamasdan ang paligid. Bahagya pa akong nakaramdam ng takot nang biglang dumilim ang paligid. Halos wala na akong makita maliban sa ilaw ng sasakyan. Kung ano-anong bagay a
