GELAINE
Matatalim ang mga matang sinundan ko ang bulto ni Luis na naglalakad palabas sa kuwarto. Gusto ko syang habulin, hablutin ang kanyang kamay at pagsasampalin ngunit naestatwa ako sa katotohanang handa nya kaming ipagpalit ni Lui para sa Isly na yun.
Nanginginig ang mga tuhod na napaupo ako sa kama. Pumatong ang mga nakakuyom kong mga kamay sa mga ito. Ramdam ko ang pagngingitngit ng aking mga kalamnan sa katotohanang tinalo ako ng isang bakla. Hindi ko iyon matatanggap! Hinding-hindi!
Gustuhin ko man ang magwawala at magsisisigaw, alam kong mas lalo akong mapapasama sa pamilya ni Luis lalo na sa kanya. At isa pa, ayokong sirain ang plano ng taong nagbalik sa akin sa buhay ni Luis.
Sinulyapan ko ang anak kong nahihimbing pa rin sa pagtulog. Hindi ko mapigilan ang unti-unting mapa
