“Bakit ganyan ang itsura ng mukha mo? Para kang pinagsakluban ng langit at lupa diyan?” nakaismid na tanong ni Jaime sa kaibigang si Eufritz. Napansin niya ang hindi maipintang mukha ni Eufritz. Nakasimangot na tila may dinadalang problema.
“Oo nga. May problema ka ba?” tanong naman ni Andi.
Nasa loob na nang classroom ang magkakaibigan at nakaupo sa kani-kanilang mga upuan. Kasama rin nila sa loob ng kwarto ang iba pa nilang kaklase na naghihintay rin sa pagpasok ng kanilang professor na lagi na lang ang tagal dumating.
Tiningnan ni Eufritz ang mga kaibigan. Binigyan niya lamang ito ng isang tipid na ngiti.
“Wala ito. Hindi lang ako nakatulog nang maayos kagabi,” pagdadahilan ni Eufritz.
Hindi naman kumbinsido sila Jaime, Andi at Sandra sa isinagot ng kaibigan. Nanunuri ang tingin ni
