“Ano?! Totoo ba ‘yang sinasabi mo sa amin ngayon?!” halos lumabas na ang litid sa leeg ni Jaime dahil sa lakas ng pagsigaw niya nang marinig ang pagtatapat ni Eufritz. Gulat na gulat siya sa mga sinabi ni Eufritz.
“Bes! Hinaan mo kaya ang boses mo. Baka may makarinig sayo,” mariing pagsaway naman ni Andi sa kaibigan.
Tiningnan ni Jaime si Andi. “Eh paano naman kasing hindi ako mapapasigaw? Nakakagulat kaya ang revelation ni Eufritz,” wika ni Jaime. Muli niyang tiningnan si Eufritz. “Ikaw Eufritz, totoo ba talaga ang mga sinabi mo?” tanong muli ni Jaime. Halata sa mukha niya na hindi ito makapaniwala sa sinabi ni Eufritz.
Marahang tumango-tango si Eufritz bilang sagot kay Jaime.
“Oh my gosh!” maarteng litanya ni Jaime. Napahilot pa ito ng sentido niya. “Hindi mo ba alam na napakalaki ng
