Araw ng Sabado at maganda ang panahon sa labas. Walang pasok sa eskwelahan sila Eufritz at Nicollo.
Nagising ang diwa ni Eufritz. Marahan niyang iminulat ang kanyang mga mata. Halatang bagong gising ito dahil halos hindi pa rin nito maidilat ng todo ang mga mata. Halata ring puyat ito sa nagdaang gabi.
Dahan-dahang tumingin si Eufritz sa orasan na nakapatong sa kanyang bedside table na nasa tabi ng hinihigaan niyang kama. Alas-onse na ng umaga. Tinanghali siya nang gising.
Paano hindi siya mapupuyat at tatanghaliin ng gising, nakipag-chikahan pa siya sa mga kaibigan niyang sila Jaime, Andi at Sandra thru video call at ikinwento sa mga ito ang nangyari ng pumunta sila ni Nicollo sa mall. Halatang kinikilig ang mga ito habang nagkwekwento si Eufritz at after niya mag-kwento, inasar siya
