Nakahiga ngayon sila Eufritz at Nicollo sa seawall na nasa tabi ng malawak na dagat. Magkatabi silang dalawa. Hindi nila alintana kung madumihan ang damit na suot basta makahiga lang sila. Kakatapos lang nila mamasyal sa loob ng mall.
Masaya naman ang naging pamamasyal nila at patingin-tingin sa kung anu-ano pero minsan, natatahimik silang dalawa sa tuwing maaalala ang nangyari sa ice skating rink. May namumuong awkwardness sa pagitan nilang dalawa. Pero masaya pa rin naman ang naging kabuuan ng paglilibot nila sa loob. Naglaro pa nga sila sa mga arcade at animo’y para silang mga bata na ngayon lang nakapaglaro. Nagtatawanan, nag-aasaran.
Dito nila naisipang pumunta dahil sa bukod sa maganda ang tanawing makikita, palubog na rin kasi si haring araw. Presko pa ang hangin at nakakarelax s
