“Nicollo, picturan mo nga ako,” utos ni Eufritz sa nakatayo lamang sa harapan niya na si Nicollo. Nakahalukipikip pa ang magkabilang braso nito habang tinitingnan siya at kumukunot ang noo.
Nagkasalubong ang magkabilang kilay ni Nicollo dahil sa inutusan siya ni Eufritz. Kahit kailan talaga hindi na ito nahiya na utusan siya.
“Ayoko nga,” mariing pagtanggi ni Nicollo at iniwas ang tingin kay Eufritz.
Napa-pout ng labi si Eufritz. “Sige na. Tingnan mo, ang ganda ng lugar kung nasaan tayo ngayon. Picturan mo na ako please!” pakiusap pa ni Eufritz sa tono ng pagmamakaawa. Mahilig talaga si Eufritz sa picture-picture.
Muling tumingin si Nicollo kay Eufritz. “Ano bang hindi mo maintindihan sa salitang A-yo-ko?” masungit na wika ni Nicollo.
Mas lalong nagpaawa si Eufritz.
“Sige na naman,”
