Nasa living room ng bahay sila Eufritz at Nicollo. Kapwa nakaupo ang dalawa sa magkabilang gilid ng sofa at namamayani ang nakakabinging katahimikan.
Tumingin si Nicollo kay Eufritz na nakatingin naman sa kung saan.
“Anong ibig sabihin nang nakita ko kanina? Bakit mo sasampalin si Kayla? Nag-away na naman ba kayo?” sunod-sunod na tanong ni Nicollo kay Eufritz na bumasag naman sa katahimikan.
Napatingin naman si Eufritz kay Nicollo. Tinaasan niya ito ng kilay.
“Bakit hindi mo tanungin ang magaling mong ex-girlfriend kung ano nga ba ang dahilan nang pag-aaway naming dalawa,” mataray na tugon ni Eufritz. Napairap pa ito.
Bumakas ang pagkainis sa mukha ni Nicollo.
“Ano bang ibig mong sabihin?” pagtatanong pa niya. “Pwede ba, diretsahin mo na lang ako,” dagdag pa niya. “Saka bakit kailang
