NGAYON lamang nakilala ni Piper si Dylan at nakagaanan niya na kaagad ng loob ang lalaki. Wala kasi itong kaarte-kaarte sa pananalita, kung ikukumpara kay Liam. Madaldal din ito at sa buong oras ng parada ay nagkuwentuhan lamang sila. Kung kinakailangang kumaway at ngumiti ay ginagawa nila, pagkatapos ay muling magtatawanan nang dahil sa kanilang pinag-uusapan.
“Narito ako para sa isang project, and syempre para magbakasyon na rin,” wika ni Dylan at kumaway sa ilang mamamayan ng Hacienda Villarama na siyang kanilang dinaraanan. “This is my first time to attend this kind of feast here in province. Ang saya pala.”
Napangiti siya. “Alam mo, ang layo-layo mo kay Senyorito Liam. Maigi na lang at hindi ka nahahawa sa ugali niya.” Pinagmasdan niya ang lalaki. Nang una niya itong makita kasama
