Hindi naging maganda ang kinalabasan ng resulta ni Anna. Ayon sa Doktor, mayroon daw typhoid fever ang bunso kong kapatid. Hindi ko masyadong maintindihan ang tungkol sa sakit na iyon pero kailangan daw niyang manatili rito sa ospital ng ilang araw para ma obserbahan siya ng maayos. Tumigil na siya sa pagsusuka ngunit hindi pa rin bumababa ang lagnat niya hanggang ngayon. Binigyan na siya ng Doktor ng gamot at titingnan pa kung eepekto ba ito sa kanya.
Sinabihan ko na rin si Nanay at Tatay tungkol sa kalagayan ni Anna. Ayoko sanang ipaalam muna iyon sa kanila pero hinahanap sila ng kapatid ko. Sa huli, napagpashayan ko nang sabihin ito sa kanila. Sobrang nag-aalala sila para kay Anna, lalo na si Nanay. Gusto ko tuloy magalit sa sarili ko dahil hindi ko na masyadong naaalagaan si Michael a
