Mataman siyang nakatingin sa lalaking nakadungaw, hindi alam kung nakikita ba siya nito o hindi.
"Sweetheart," malakas na tawag ng babae mula sa kung saan kaya mabilis na binawi ni Camilla ang tingin.
Ngunit 'di nagtagal ay binalikan ang kinaroroonan ni Adonis ngunit wala na roon ang lalaki. Hindi pa man nababawi ang tingin nang marinig ang tinig ni Alex.
"Alam mo mas mabuti pa ay kilalanin mo muna ang mga makakasama mo rito," boses ni Attorney Mendez na bumasag sa kanyang katahimikan.
Binalingan niya ito at ngumiti sa lalaki.
"Mabuti pa nga," saad niya at mabilis na sumunod sa lalaki na noon ay patungo sa isang pinto. Mabuti na lamang at hindi nito napansin na tinitingnan niya si Mr. Del Fuego.
Patungo pala sa kusina ang malaking pinto at doon ay tumambad ang dalawang babae na may
