[Athena’s]
Pagkatapos naming magdinner ay nagyaya si Chantal sa amin ni Yumi na kumain ng mangga kaya bigla akong nabuhayan. Kanina ko pa gustong yayain si Yumi sa garden para kumuha ng mangga doon. Sa sobrang daming bunga ng mga mangga sa garden nila ay kahit umabot lang kami doon ay meron kaming makukuha. We really don’t need to climb up on the tree just to get some mangoes!
Mabuti na lang at matagal nang tapos ang period ko bago pa kami pumunta dito kaya pwedeng-pwede na akong kumain ng maaasim ngayon!
Tuloy pa rin ang pangangantyaw ni Yumi sa akin habang palabas kami ng bahay kaya kanina ko pa siya pinandidilatan ng mata at pinipigilan dahil kasabay namin sa paglalakad palabas si Chantal. Medyo nauuna lang siya ng lakad dahil si Yumi ay mukhang sinasadyang magpahuli kami sa paglalak
