[Athena’s]
Nang muling umuwi kami dito sa Pilipinas ay hindi ko sinabi kina Mommy at Daddy na for good na kami dito. Ayaw kong paasahin sila at sabihing mananatili kami dito pero hindi naman ako sigurado. Nakadepende pa rin ang pananatili namin dito kung hindi magkukrus ang landas namin ni Kit. Pero dahil hindi naman iyon maiiwasan dahil may mga common friends kami ay mas mabuti na rin na sa ibang bansa na lang manatili para walang hassle.
“My name is Kristen Alison Mijares!”
Napatingin ako sa gawi ng garden kung saan naroon ang kambal at kausap sina Mommy at Daddy. Kahapon lang kami umuwi dito at nagkataon pang weekend ngayon kaya parehong ipinagpaliban nina Mommy at Daddy ang mga lakad nila para makasama ang kambal.
Hindi pa naman nagtatagal simula noong huling nagbakasyon kami dito
