[Athena’s]
Sa buong dinner ay pinag-uusapan namin ang tungkol sa ginawa naming pamamasyal kanina. Tanong nang tanong ang parents nila Yumi kaya iyon tuloy ang naging topic habang kumakain.
“So, you are also on a vacation while we’re here, Kit?” narinig kong tanong ng Mommy ni Yumi. Kahit na busy ako sa pagkain ay tumigil ako para pakinggan ang kung anong isasagot ni Kit. Pero mukhang mali pa yata ang saglit na pagtigil ko sa pagkain at pagtingin sa gawi niya dahil nakita kong sinalubong niya ang tingin ko at nagtagal pa ang titig kaya paniguradong nakita iyon ng mga kaharap namin sa hapagkainan!
Mabilis na ibinalik ko ang tingin sa pagkain dahil mukhang wala siyang balak na alisin ang titig sa akin hangga’t nakatingin ako!
“Ahh… not really, Tita. I will only be away for a few days. Bes
