[Athena’s]
“You’re here, Jared?”
Nakangiting bati ni Daddy sa amin nang dumating ako sa bahay kasama ang pinsan kong si Jared. Sa pinsan ko nakatuon ang buong pansin niya kaya alam kong wala siyang balak na batiin ako kahit na alam niyang galing ako sa date na sinet up ni Mommy para sa akin.
Nakita kong napasulyap pa saglit si Jared sa gawi ko bago muling binalik ang tingin kay Daddy. “Yes, Tito. I bumped into Athena at the restaurant after having a dinner meeting with one of our clients,” narinig kong paliwanag ni Jared kay Daddy. Tumango lang si Daddy at nakita kong sumulyap sa gawi ko pero hindi rin iyon nagtagal at wala man lang emosyon. Napalunok ako para magpigil ng kung anong emosyon na agad na naramdaman.
Siguro ay dahil nalaman kong buntis ako kaya hanggang ngayon ay hindi pa
