[Athena’s]
Nasa sasakyan pa lang kami ni Hector pauwi sa bahay ay paulit-ulit na ang bilin ko sa kanya na kung sakaling magtatanong si Rita ay ‘wag na ‘wag niyang sasabihin ang totoo.
Ilang beses niya ring sinabi sa akin na ‘wag akong mag-alala dahil alam na ni Rita ang sitwasyon dahil nasabi na ni Daddy sa kanila ang balak na pagtatapat sa mga kamag-anak namin.
Pero kahit na gano’n ay kabadong-kabado pa rin ako lalo na nang dumating kami sa bahay ay wala pa sila Daddy at mukhang kasalukuyang nasa biyahe pa lang pauwi sa bahay.
Kumunot ang noo ko nang makitang nilampasan ni Hector ang kwarto niya at kumatok sa isa sa mga guestrooms dito sa bahay.
“Bakit hindi sa kwarto mo tumuloy si Rita? Akala ko ba ikakasal na kayo?” tanong ko kay Hector. Sinimangutan niya ulit ako kaya hindi ko na
