[Athena's]
Kagat ang ibabang labi na napatingin ako sa gawi ng pinto ng kwarto nang hindi pa rin tumigil si Rita sa kakakatok sa kabilang kwarto at sa kakatawag kay Kit. Kitang-kita ko ang iritasyon sa mukha niya lalo na at nasa kalagitnaan siya ng pag-angkin sa akin.
Napalunok ako at agad na kinabahan dahil baka tuluyang mapikon si Kit at labasin si Rita!
Walang pwedeng makaalam sa kung ano mang namamagitan sa aming dalawa ni Kit!
Wala akong balak na ipaalam ang tungkol dito sa kahit na sino. Kahit na kina Yumi at Justin ay wala akong balak na ipaalam dahil ayaw kong may ibang makaalam ng plano ko!
Nang hindi pa rin tumigil sa pag-iingay si Rita ay pinagdikit ko ang mga hita ko at nagtangkang bumangon na pero mabilis na napigilan ako ni Kit kaya nagtatakang napatingin ako sa kanya.
