[Athena’s]
Halos manlambot ang mga tuhod ko nang tuluyang makaalis si Kit dito sa unit ni Justin. Pakiramdam ko ay dumating na ang kinatatakutan kong mangyari. Kitang-kita ko ang galit sa mga mata niya kanina nang sabihing hindi niya hahayaan na manatili sa poder ko ang kambal.
“Oh, my God! Anong gagawin ko?” parang maiiyak na ako dahil sa sobra-sobrang pagka taranta. Alam kong hindi nagbibiro si Kit kanina nang sabihin niyang gagawin niya lahat para makuha ang custody sa mga bata.
Kung hindi ako magpapakasal sa kanya ay hindi niya ako bibigyan ng karapatan na makasama sa isang bubong ang kambal.
Iritadong napatayo ako at litong-lito na napatingin sa pinto ng unit ni Justin.
Why the hell did he offer me marriage when he is bound to marry his girlfriend?! Dahil lang ba sa mga bata kaya
