[Athena’s]
Ang sabi ni Mommy ay mamayang gabi pa raw darating ang pansamantalang makakapalit ng mga tagapag-alaga sa kambal. Hindi ko tuloy alam kung paano kong sasabihin kay Uno ang kasalukuyan kong sitwasyon.
Hindi ko naman pwedeng basta na lang iwanan dito ang kambal. At ayaw ko ring iwanan kay Rita dahil alam kong hindi niya kakayaning alagaan ang dalawang ito.
“Wow! I really love this place!” narinig kong bulalas ni Kali habang aliw na aliw na nakaharap sa overlooking view dito sa suite ni Justin. Maluwang ang suite na ito at pwede talagang tirhan ng isang pamilya na hanggang tatlo ang anak. Pero dahil mukhang nagpaparamihan silang magkakapatid ng anak ay lahat sila ay hindi piniling tumira dito sa Young Bucks Society Building kahit na halos lahat sila ay may residential unit dito.
