Pagkatapos kumain ay nagpahinga pa kami sa hapag habang nagkukuwentuhan. Sobrang dami niyang nakain kaya natatawa ako. Kasi hinahaplos haplos pa niya ang tiyan niya pagkatapos habang natatawa na lang din sa sarili.
“Ako na ang magliligpit ng mga pinagkainan natin,” saad niya at tumayo na agad. Tumayo rin naman ako habang umiiling.
“Hindi, Elliot. Ako na lang. Magpahinga ka na lang sa sala, okay?” agad na sagot ko kaya napangisi siya.
“I feel like you’re doing wifely duties,” saad naman niya.
“Basta, hayaan mo na lang akong pagsilbihan ka ngayon, okay? Pambawi lang kasi tinulugan kita kagabi,” nahihiyang saad ko kaya mahina siyang natawa.
“I told you, it’s fine,” nakangiting sagot naman niya.
“Alam ko naman iyon. But my guilt will not let me sleep, so let me just do this, please?” saa
