Chapter 22
Zhannia
NAPASIGAW na ang mga kababaihan sa pagsiklab ng gulo sa pagitan ng dalawa. Walang ayaw magbigay pareho silang matapang. Umabot silang dalawa hanggang sa labas ng bahay. Ngunit bago pa lumala ang sitwasyon, agad na dumating ang mga ama namin, kasunod ang mga Tito's.
"Khail, tama na!" mariing sigaw ni Tito Ethan habang mabilis na lumapit sa kanila. Hinawakan niya si Khail sa balikat, pilit siyang hinihila palayo kay Adrian.
Samantala, ang Tatay Zane ko naman umawat kay Adrian na tila hindi rin nagpapatalo. "Adrian, itigil niyo na 'to," malumanay ngunit mariin ang boses ni Tatay, sabay hawak sa braso ni Adrian para pigilan siya sa muling pagsugod.
Parehong hingal na hingal ang dalawa, at kahit na pilit silang hinihila palayo sa isa't isa, bakas pa rin sa mukha nila ang
