LIZAH AGUILAR
HINDI ko sinikreto kay Kuya Lans ang nakita ko. S’yempre, mas nagalit pa s’ya kay Ryujin. Normal reaction lang ‘yon bilang nakakatandang kapatid. Nabigla lang ako sa araw na ‘yon kaya ang dami ko talagang nilabas na luha pero sa mga sumunod na araw at linggo, parang wala na lang sa ‘kin.
Siguro maiisip ko pa si Ryujin o mamimis ko pa s’ya kung hindi ko s’ya nahuling may kasamang babae. Mabuti na pala ‘yong binigla ako para isang bagsakan lang ang iyakan. “Liz, first trimester ultrasound mo na next week ha? Baka makalimutan mo.”
“Oo, minarkahan ko ang araw sa kalendaryo.” Natawa s’ya. Naka-recover naman ako pagkasawi sa pesteng pag ibig pero ang pumalit naman, hirap ako sa pinagbubuntis ko dahil oras oras yata, nasusuka ako tapos sobrang arte ko na sa pagkain.
“Dessa, m
