LIZAH AGUILAR
“RYUJIN—“ Sisigawan sana ng malakas ni Sir Dracul pero mabilis s’yang binabaan ng tawag ni Ryujin. Doon ako binalingan ng tingin na parang hindi alam ni Sir kung ano ang sasabihin n’ya sa ‘kin. Naramdaman kong nangmamanhid ang bawat parte ng katawan ko at pati nga ako, hindi nakapagsalita. Nagkaroon ng mahabang minutong katahimikan.
“I-I think he was just having a rough day at work…” Nang mag salita na si Sir Dracul, doon pa lang ako kumurap habang napapakuyom ang nanlalamig kong mga kamay. Parang hindi ko yata kayang umusal ng kahit ano ngayon at tila barado ang lalamunan ko.
Hindi ko kasi in-e-expect na ganoon na lang ang narinig ko mula kay Ryūjin. “Don’t worry, dear. I will look for him. Uuwi s’ya rito kahit anong mangyari. Antayin mo ako rito.” Iyon ang sunod-sunod
