EVELYN
“Ang ingay mo,” sabi niya sa akin nang tuluyan niyang bitiwan ang labi ko.
Hindi ko alam kung paano ba ako magrereact dahil nagulat ako sa ginawa niya. Parang gusto kong lumabas sa taxi at tumakbo palayo sa kanya.
“Bakit mo ako hinalikan?” mahina na tanong ko sa kanya dahil ayaw kong marinig ni kuyang driver.
“Ginawa ko ‘yon para manahimik ka. Ang ingay mo kasi,” sagot niya sa akin.
“Ako maingay? Gusto ko lang naman na umusod k—”
Hindi ko na naman natapos ang sasabihin ko dahil muli na naman niya akong hinalikan sa labi. Nakadalawa na siya ngayon pero ang nakakainis lang ay ginagawa niya lang ito para patahimikin ako kahit pa hindi naman talaga ako maingay.
Nang bitiwan niya ang labi ko ay lumayo siya sa akin na para bang walang nangyari. Hindi na lang ako umimik at hinayaan
