EVELYN
“Anong ginagawa mo?” tanong ko kay Harry dahil nagulat ako sa ginawa niya.
“I’m sorry,” nakaluhod na sabi niya.
“Harry, tumayo ka nga d’yan.” utos ko sa kanya.
Mabilis rin akong tumingin sa paligid dahil baka may makakita sa amin. Nakahinga naman ako ng maluwag dahil walang napadpad dito.
“I’m sorry kung binully kita. Handa akong maging alipin mo.” biglang sabi niya na ikinagulat ko.
“Ano ba’ng kalokohan ang pinagsasabi mo?” medyo naiinis na ako sa kanya.
“Gusto kong parusahan mo ako sa mga ginawa ko sa ‘yo. Alam ko na mali ako. Hindi dapat kita pinagti-tripan.”
“Hindi mo naman kailangan na lumuhod kaya tumayo kana d’yan. Baka ano pa ang isipin nila kapag nakita nila tayo at ganyan ka. Sige ka pagtatawanan ka nila,” pabiro na sabi ko.
Ayaw ko na nakaluhod siya sa harap ko.
