EVELYN
Lunes na naman at kailangan ko na namang pumasok sa university. Isang linggo kong hindi makikita ang boyfriend ko. Kaya pala niyaya akong lumabas kahapon dahil mawawala siya ng isang linggo. Ang sabi niya ay may business trip siya sa ibang bansa. Hindi raw puwede na hindi siya pumunta doon dahil kailangan siya.
Professor na businessman pa. Mukhang marami pa akong kailangan malaman sa boyfriend ko. Nagpapayaman talaga siya.
Ang aga niyang umalis. Six pa lang yata ng umaga ay umalis na siya para pumunta sa airport. Ako naman ay seven thirty na bumangon dahil nine pa naman ang pasok ko. Nagluto muna ako ng breakfast ko.
Habang kumakain ako ay nagpadala siya ng pictures niya na nasa airport na siya. Talagang marunong siyang mag-update. Sana ganito siya palagi, ‘yung boyfriend na kah
