Eunah
"Hindi na lang muna ako magtitinda ngayon para maasikaso mo na 'yan lahat," ani Papa habang sabay-sabay kaming nag-aalmusal dito sa mesa.
"Isasama ko na lang si Eunice, Papa, para maipasyal ko rin siya."
"Papasyal tayo, Mama?" tanong kaagad ng anak ko habang hawak ang kapiraso ng pritong isda na tinanggalan ko na kanina ng tinik.
"Ang bilis mo talaga kapag pasyalan, ah," sagot ko naman sa kanya.
Humagikgik naman siya. "Pasyal tayo, Mama!"
"Hindi ba siya makakasagabal sa pagkuha mo ng requirements?" tanong naman ni Papa.
"Hindi naman ako magtatagal sa pagkuha ng NBI at police clearance, Papa, dahil nai-online ko na sila. Magpi-picture na lang ako doon tapos makukuha ko na rin kaagad. Hindi na kasi 'yan katulad nang dati na kailangan pang pumila ng mahaba bago makakuha."
"Oh, s
