"So, siya pa lang anak mo sa babaeng iyon!" sigaw ng babaeng nasa edad 50's na. Muli naman akong bumaling sa isa pang babae. Nagsalubong ang kilay ko nang matandaan ko ito. Ito lang naman ang babaeng sawa na kung makalingkis kay Leo, ay wagas.
"Puwede ba, itigil mo muna ang kangangawa mo, Sally!" galit na sabi ni papa sa babaeng nag-ngangalang Sally.
"Daddy, hanggang ngayon ba sampid pa rin kami rito sa bahay mo. Kahit ang totoo ay kami ang tunay na pamilya mo!" sigaw naman ng babaeng sawa.
Parang maguguluhan ako mga nangyayari. Bakit daddy ang tawag nito sa aking papa? Ano bang nangyayari? Labis akong nalilito.
"Lumabas muna kayong mag-ina. Dahil kakausapin ko muna si Icel. Wala siyang alam tungkol dito. Please," pagmamakaawa ng ama ko sa dalawang babae.
"Sana sa pagkakataong ito dad
